Անձրևանոցներ : 08.2016

Ապրիլ 2016ի պատերազմը տեղի ունեցաւ գարնանային անձրեւոտ օրերուն եւ սահմանագծին կանգնած մեր զինուորները յորդառատ անձրեւներէն պաշտպանելու հարցը դարձաւ հրամայական։ Ինչպիսին էր պարագան քնապարկերուն, Հայաստանեան գործարան գոյութիւն չունէր որ զինուորական անձրեւանոցներ կ՚արտադրեր։ Արտերկրէն պատուիրեցինք բարձրորակ, զինուորական օգտագործման անձրեւանոցներ։ Այդ օրինակները տրամադրելով տեղական հիւսուածոյի գործարանի մը, նախ պատրաստուեցաւ օրինակներ, որոնց միջոցով բանակի հրամանատրութեան հաւանութիւնը ստանալէ ետք, պատուիրեցինք եւ զինուած ուժերուն հանձնեցինք 3,400 անձրեւանոցները։

Պէտք է մատնանշել որ այս անձրեւանոցները տարբեր նպատակներու կրնան ծառայել։ Բնականաբար նախ եւ առաջ կը պաշտպանեն զինուորը անձրեւէն, կը ծառայեն նաև իբրեւ ծածկոյթ կամ վերմակ, բայց կրնան նաև վերածուիլ ջրանցիկ վրանի, մի քանի զինուորի պաշտպանելով անձրեւէն։

Gallery

Videos