Սնունդ և ջուր

Ապրիլ 2ի առաւօտեան կանուխ ժամերուն, Ատրպէյճանական բանակը մեծ մասշտաբի յարձակում մը գործադրեց Արցախեան տարբեր ճակատներու վրայ։ Հակառակ կրած ծանր վնասներուն եւ յանկարծակի այս յարձակումին, մեր հերոս զինուորները կարողացան յետ մղել եւ մեծ վնաս պատճառել թշնամուն։ Առաջին այս ժամերը ճակատագրական էին մեր ազգի եւ հայրենիքի համար, եւ հայութիւնը աշխարհի չորս ծագերէն ոտքի ելած էր օգնութեան ձեռք մեկնելու մեր քաջարի բանակին։

«Սատարենք մեր Հերոսներին»ի կամաւոր խումբը 2016ի Ապրիլի 3ին արդէն իսկ ստեղծուած էր եւ իր առաջին մարդասիրական օգնութեան աշխատանքին լծուած։ Ճամբայ հանեցինք, եւ Ապրիլ 5ին Արցախի մէջ Հայոց բանակին յանձնեցինք մարդասիրական ապրանքներով լեցուն մեքենայ մը։

Այդ մեքենային մէջ կար հետեւեալ ապրանքները՝

1000 հատ 8 լիթր տարողութեամբ Ջուրի շիշեր։

840 մսեղէն թիթեղատուփ

3015 տուփ խտացած կաթ

100 հատ քնապարկ

Այս օգնութիւնը եղաւ նախաբանը յառաջիկայ մեր աւելի ծաւալուն եւ ծրագրուած նուիրահաւաքներու աշխատանքին, որոնց ճամբով նաեւ մեր օգնութեան համեստ բաժինը բերինք սահմանին կանգնած հայ զինուորին։

Gallery